الشور شورك والهداية مــن الله والرأي منكم .. نشتريه بملايين

لأنك حكيم وكل دربٍ تدلهّ ولأنك لنا عين ومكانتك باعي

يا سيدي .. والليل فيهً الأهلّه نقرأ بها بعض العبر والعناوين

دربٍ مشينا فيه محدٍ وصل له غير الرجال العاقلين الحكيمين

ياسيدي رايك بقلبي محلّه نمشي عليه ونفتخر به من سنين

ويا صاحبي اللي سأل عنه قلّ له هذا حمد راس الرجال العريبين

هذا حمد بين النجوم المطلّه نجم تعدى فوق .. حدّ السماكين

المجد كنّه بالقدر مرسلٍ له والطًيب وان قلنا حمد قال نعميـن

اللـي ربينا تحت حكمه وظلّه منه تعلمنا علوم السلاطين

الراي رايه .. والفجر فيه كله والشور شوره .. نشتريه بالملايين

لانه حكيم وكل دربٍ يدّله ولأنه لنا عين وسكن داخل العين