ياللي على البال تطـري وانـت ماتـدري

وش ذنـبـه الـلـي يحـبـك وانــت خلـيـتـه

وش ذنـب قلـبٍ رسـم لـك حبـه العـذري

وش ذنــب دمــعٍ عـلـى طـاريـك هليـتـه

لو كـان عمـري بيدينـي فدوتـك عمـري

لـكـن عـمــري بـيـديـن الـلــي ترجـيـتـه

انــه يــرد الـزمـان الـلـي عـلـى خـبـري

واعـيــش لـيـلـك وحـلــمٍ كــــم تمـنـيـتـه

يوم ان قلبك بصدري وانت في صدري

ضيفٍ سكن بالحشـا واثـر الحشـا بيتـه

الايـام تجـري وعمـري بالشقـا يـجـري

حـتـى الـشـقـا مـنــك رافـقـتـه وحبـيـتـه

اصبـر علـى حالـتـي ويملـنـي صـبـري

واعيـش فــي لوعـتـي واقــول يــا ليـتـه

والليل في ناظـري يـا صاحبـي يسـري

والشـعـر لـجـل الـهـوى جبـتـه وغنيـتـه

واذا تكـلـم عـذولـي قـلــت لـــه عـــذري

ان الـهـوى يـذبـح العـاشـق وانــا جيـتـه

والا انـت ماتـدري انـك كــل ماتـطـري

يـصـيـح لـــك بالحـنـايـا شـــي خـلـيـتـه